民主黨派金幣冧細路 - 李八方

蘋果日報 2007/02/19 00:00


新年最開心係有人派利是,民主黨地區支部噚日舉行豬年賀年花車啓動禮時,就加插派朱古力金幣利是畀市民,副主席阿Dick同立法會議員阿涂就變身財神爺,俾人𠱁𠱁轉問攞利是。兩位男士亦冇因為過年而偷懶,派得非常落力,真係派得開心,攞得稱心。
阿Dick話覺得今年市民都幾開心,氣氛好好,可能同社會以及經濟環境轉好有關。民主黨前兩年都有好多是非,阿Dick希望個黨今年可以遠離是非,至緊要團團結結和諧一片,事關年底仲有個區議會選舉,團結一致向外點都好過大家槍頭對內啩。
查實自從仁哥上場做主席後,民主黨真係好似少咗啲負面新聞咁,阿Dick都希望呢個情況可以繼續維持,總之豬年最好就萬事大吉,咁就大家happy。