每逢季尾就總有球員收山消息，前利物浦同皇家馬德里右閘艾路比亞，接受西班牙《馬卡報》訪問時就話決定收山；講真呢位34歲右閘表現就唔算叻，不過就識泊碼頭，效力皇馬、西班牙等，加加埋埋贏過世界盃、歐聯等大小錦標11個，仲多過今季告別羅馬嘅托迪，托迪踢足25季都係1次世界盃、1次意甲，加上意盃、意超盃等6個冠軍渣。

艾路比亞接受訪問時就話，體力上仲可以踢，但心態就唔得，所以係時候退休；其實佢今季效力英超嘅韋斯咸，只係上陣4場咁大把。艾路比亞講真技術、速度就唔係好出色，不過主攻右閘，又可以客串下左閘，所以都幾深得教練喜愛，就算唔係球隊骨幹，不過幫西班牙贏歐國盃、兩奪歐國盃，又幫皇馬贏西甲、歐聯等榮譽，真係夫復可求。