王菲日前已於微博發聲明，表明不會出家，餘下另一個問題就係——王菲會否復出呢？

今日有報道指，王菲自同李亞鵬結婚後，決心退出樂壇，專心照顧兩個女兒，才華亦自此埋沒。但自從2010年舉行巡迴演唱會後，重拾滿足感，且兩個女亦漸漸長大，王菲覺得亦是時候，故有指佢會來港定居，遇到適合嘅劇本，亦將隨時重返銀幕演出。

目前王菲已聯絡北京嘅製作人籌備新碟，其世界巡迴演出將於2014年6月舉行。傳聞自然令菲迷興奮不已，可以再聽菲靡靡之音，而且如果真係搬來香港，大家見到佢嘅機會又多咗。但諗諗下又唔通，王菲家鄉在北京，根在北京，女兒李嫣都在北京；而且若真係要復出的話，內地市場點都大過香港啩？