當年今日
關於我們

【諗法要自由】過來人身份分享經歷 陳法拉:做導演最重要唔係錢

蘋果日報 2018/11/07 22:49

陳法拉導演全球大學電影獎

陳法拉今晚去到浸會大學,出席第一屆「全球大學電影獎」開幕。法拉表示,今日嚟支持同學,因為自己都係剛剛畢業嘅學生,知道做學生拍戲唔容易,首要籌集資金,而做導演就要由零開始,法拉話:「做導演最重要唔係資金,而係要有自由題材,有諗法嘅自由,可以講自己想講嘅故事,當然做新人需要好多支持。」
法拉指佢之前都拍咗一個天馬行空嘅主題,講生死見到嘅事,對於鍾意做演員定係導演,佢就話:「做導演可以用呢個身份同演員溝通,自己兩樣都想做,不過如果要兼編、導、演就好難,自己會選擇專心做一個崗位。」
法拉今個月會去內蒙拍一部獨立電影:「之前應承拍攝,因為個地點吸引未去過,係劇情片幾幾得意,自己演一個北方女仔,要講北話,對我嚟講係未試過,好有新鮮感。」
精選娛聞,喺晒《娛果》
http://fb.com/appledailyent