當年今日
關於我們

關心妍春節茹素清靜心靈

蘋果日報 2004/01/23 00:00


關心妍(Jade)覺得新年應該不殺生,亦覺得早前唱了《放生》這首歌,所以應該和應一下,所以日前到銅鑼灣寶光素食食齋。廚師亦為她弄了三款好意頭的餸菜,分別是恭喜發財、百花爭艷及金龍獻瑞。Jade表示:「平時都會食齋,因為除咗健康啲,又唔會咁肥膩。而喺初一食齋就會覺得清淡啲,同埋令到心靈清靜啲。」
下月二十日Jade便開其處女個唱,所以在農曆年過後便會飛往日本練舞。不知她這次去日本有何準備?她說:「我好怕凍,所以會買發熱貼過去。其實今次去都係學台風同埋台上表演多,舞都會學,但係唔會好高難度。」

買桃花布置
Jade指屋企每逢過年都有買桃花的習慣,她則負責布置。問Jade新年有甚麼節目,她說:「通常我屋企都分幾班人玩,有啲會打吓麻雀,有啲會玩吓魚蝦蟹,雖然我通常都會輸,但都好開心。總之,大人有大人玩,小朋友有小朋友玩。」
採訪、攝影:陳梅香
場地及食物提供:寶光素食
empty
關心妍及周秀蘭(右)走進廚房參觀師傅烹調食物。