苗禮德愛徒黃俊停賽兩日後，今期賽事（3日）刑滿復出，睇番這位現時唯一可減十磅之見習騎師，於近七次列陣之沙田賽事，當中六次取得頭馬，似乎季尾階段不少練馬師均喜歡借助他減十磅之優勢為馬匹求勝。

周日賽事黃俊共策8駒上陣，胯下座騎實力不俗，有機會復出即勝。

首先要留意是黃俊師傅苗禮德所提供之「招多福」及「常拼常勝」，前駒今季例必有一段好追勁，前仗便在田草1600米以全場最快末段後上爆冷贏馬，上仗只因氣管有血才失準，上周五（5月25日）馬匹試大閘以首名衝線，狀態未有回落，換黃俊減磅有望贏今季第三場頭馬。

另外，「常拼常勝」近三仗在首本1400米均演出失望，今仗突然縮程角逐田草1000米直路賽，睇番黃俊近四匹同程座騎取得一冠兩亞佳績，提防突如其來，將對手殺個措手不及。