喺韓國，除咗人氣綜藝節目《RunningMan》嘅劉在石係「國民MC」之外，其實主持過無數人氣綜藝節目好似《Starking》、《強心臟》等嘅主持人姜虎東亦係「國民MC」。

姜虎東過去所主持嘅節目收視一直都好穩陣，但近期佢所主持嘅新節目《向星葵》竟然收視一次比一次差，最近仲差到個節目宣布要停播添！

據知，《向星葵》由開播以嚟收視一直只係keep住喺平均3％，可以話係完全受觀眾冷落。而佢之前主持嘅綜藝節目《月光王子》亦同樣只係得持續喺3％左右，令人大跌眼鏡。

雖然《向星葵》差到要停播，但姜虎東手頭上仲有兩個收視好得嘅節目《兩日一夜》同《我們小區藝體能》，所以佢嘅「國民MC」招牌仲保得住。