貝依霖輪盡清理千年爐頭 伍詠詩單挑污糟馬桶
家務戰場貝依霖古明華rosa ma
ViuTV節目《家務戰場》的6位「世界級港女」馬俊怡(Rose Ma)、貝依霖(Chantale)、邱晴、陳婉婷(Hebe)、伍詠詩及王頌茵(Kathy仔)進行為期10日的家務特訓,暫時仍被「管家」古明華狠批不合格。今晚播出的第3集,由Rose Ma、Chantale和伍詠詩接受清潔家居的考驗,Rose Ma負責熨衫,伍詠詩負責洗廁所,Chantale就負責清潔爐頭。
製作組十分貼心,邀請了專業家務助理教路,首先教Rose Ma熨衫,不過朱晉傑笑她平時着得少布,應該不懂熨衫,Rose Ma在家務助理協助下,最終順利完成熨衫,不過被家務助理評她「未見過女仔零技巧,有進步空間。」
之後輪到Chantale面對勁污糟爐頭,她苦笑說:「嘩!第一次抹爐頭,我覺得係超級超級災難,我第一次打開,連裏面係點我都唔知,我洗嗰個比起老師洗嗰個係污糟一萬倍,所以係十級災難!」家務助理叮囑她爐頭火嘴不能踫水,但話口未完,Chantale快手將爐頭火嘴放到鋅盤,幸好被伍詠詩及Rose Ma急時阻止。接着抹爐面,Chantale未有依照家務助理教導的方法,越抹越污糟,難怪家務助理評她雞手鴨腳。最後爐頭在3女合力下才順利抹乾淨。
伍詠詩負責洗厠所,未開始時,她雖然滿有信心,但她表示:「抽到要洗厠所,係有少少唔想做,好明顯我覺得呢樣係最難。」當她打開厠板,看到馬桶內佈滿污跡,即時面色一沉,在旁的Chantale亦說:「嗰個人嘅菊花係咪爆咗?」Rose Ma直情擰歪面:「Oh my God!」伍詠詩定過神後,先用清潔劑噴在馬桶內,然後再清洗馬桶外圍,繼而再清潔刷努力地刷,最後獲得家務助理讚她:「相對嚟講佢好好多,做得比較快啲,步驟雖然有啲甩漏,但都OK嘅!」將馬桶省到「立立靚」,伍詠詩嘆口氣:「完美體驗咗,真係完成咗!」
最後,再輪到6位「港女」接受晾衫挑戰,滿有信心的邱晴請纓接受挑戰,她拿起一條長褲,但未有將褲子扭乾,一揈就令褲上的水彈到古明華一面都係,古明華指正錯誤,並指:「其實每件衫都有專用嘅衣架。」Chantale拿起紅色胸圍隨手晾到曬衣繩上,Rose Ma教她應該晾在衣架上,但原來都錯,古明華於是教她們正確晾胸圍方法,就是將胸圍反轉晾,Rose Ma事後笑說:「我唔知道晾衫有咁多學問。」
-----------------------------
-----------------------------