71B專線小巴乘客馮先生稱,他居於秀茂坪邨秀緻樓,每晚也會乘小巴返家,但本月十一日晚上十一時五十分,他從藍田地鐵站乘71B專線小巴返家,至秀茂坪寶達邨時,車內仍有三名乘客,但司機突然表示:「去秀緻樓嘅喺呢度落車!」
中途下令乘客落車
他說,他即時反問司機為甚麼要乘客中途下車?但司機支吾以對,他堅持不肯在寶達邨下車,司機才晦氣地說:「架車冇油吖嘛!」無計可施下,他只好在寶達邨下車,摸黑沿天橋步行返回秀緻樓住所。
「雖然由寶達邨行過去秀緻樓只約十分鐘,但係今次已經係半年內第三次出現咁嘅情況,三次都係尾班車或尾二班車發生。之前嗰兩次重衰呀,個司機叫我哋落車時,重不停咁話我哋落車落得慢,阻住佢收工!」提及司機行為,馮先生餘怒未熄。
他語帶不滿地稱,專線小巴受運輸署監管,情況一如巴士,有既定行車路線,專線小巴司機不可為一己之便,隨意改動路線,未到總站便着乘客下車。