由於禮拜六跑馬，故今朝跳馬相當多，提早做最後試跑考驗。蘇偉賢今次布下強陣，有賽程馬昨朝均積極備課。
「鼓浪花園」潘頓跳兩段，緊韁拖住走中檔，入直路稍加快，收身線條靚，毛色深潤悅目，落腳整齊有力，操好勇態已備。此駒早前由柏寶操練，埋門交回潘頓，始終人馬較合拍，今次將是季內初出，縮程報跑千二米，憑新鮮感搭夠相信都可應付，恨贏之馬一定有戰意。