姐匙Talk丨藝人為連戲高層暗令豁免戴罩
姐匙talk
武漢肺炎一波未停一波又起,全港都要謹慎防疫,不過唯獨一間機構表面扮到好嚴厲,實質最鬆懈,開工時只係帶個透明膠口罩,已經立咗超壞榜樣,有資深演員爆料,入邊嘅高層係講一套做一套。藝人要出外景拍嘢,俾人多次影到唔戴口罩四圍傾偈,其實係有原因,因為依家最着重嘅節目,即係成日叫人返屋企嗰個,佢哋嗰班演員就基本上日日都喺公司打躉,但係由於佢哋要日拍夜拍,高層其實暗中有落命令,叫佢哋唔使戴口罩,因為口罩又除又戴就整花啲化妝,唔連戲就會影響拍攝進度。
本來呢啲命令都係指拍嘅時候,不過入面一班後生演員,就變咗奉旨咁,喺公司完全唔戴口罩就四圍走,除咗搵人吹水,去買飯去廁所,都冇諗過要帶返個罩,久而久之,成班人都覺得自己係神仙,係得佢哋唔會傳染到病,防疫意識好低,所以有個阿哥級嘅「潮州」,就死都帶住個口罩,因為佢知道同場啲人好高危,只要一個領嘢就會全部領嘢。
Jessie聽啲行家講,平時去採訪可以四圍走搵藝人訪問,依家就有人睇實,只可以去指定地方,好似去咗北韓咁。而且大家覺得呢間機構係借抗疫為名,背後其實係考慮政治因素。
-----------------------------
-----------------------------