洗米嫂陳慧玲今日以性感打扮，去到九龍灣出席一個癌症基金活動，佢話太性感，所以有少少唔自然，今次係洗米嫂第一次參加呢個癌症餐舞會，佢話：「其實好多年前媽咪都有患過癌症，所以自己好注重健康，每年都會做身體檢查，都市人好少時間去注重健康，一驗已經係三期，唯有做多啲運動。」佢仲話全家都會定期去檢查。講到早前慶祝生日，佢話冇乜特別禮物，只係食餐飯，而今年聖誕會喺香港過。

十號生日嘅薛芷倫就話今年唔會慶祝，因為媽媽三個月前因癌症過咗身，但佢冇講係咩病，薛芷倫話：「我都有專登去到加拿大陪佢，不過去到佢已經係彌留，但係陪佢過咗人生最後一程，喺醫院陪佢過咗十日，佢喺我懷中過世，佢仲有捉住我隻手。」佢又指媽媽已經83歲，都算係笑喪，過身嘅時候都好安詳。

精選娛聞，喺晒《娛果》
http://fb.com/appledailyent