【子健蘋馬】旗下灰馬仔時間表理想 苗禮德又點會唔心急！
蘋果日報 2019/09/30 22:40
苗禮德灰馬仔子健蘋馬翡翠綠
沙田馬場明天（10月1日）跑國慶賽馬日，第五場四班1400米賽事，灰馬仔「翡翠綠」上季應早贏，贏唔到怪邊個都無補於事，今季於相若評分再起步，一定唔會原地踏步。
在屢搏未贏前題下，苗禮德點會唔心急？唞暑後，早在8月初已恢復快跳，打後拍跳、大閘工序全做齊，頂得住壓力的「翡翠綠」，比起上季有好無差！
此駒早前試跑馬地1000米大閘，跟得唔吃力，直路又追得勁，睇過此課，已覺「翡翠綠」準備就緒，苗禮德等了又等，部署明日落場跑1400米強項，時間表理想。
今次抽3檔，對「翡翠綠」與杜美爾均帶來助力，加上季內初出，帶新鮮感落場，預計咬住前列以及唔被動可能性頗大，只要做得到，咬住「發財寶」入直路，要過佢一啲都唔難，相對值博。
另外，第六場三班1800米，「悅裕」上次有買、有介紹，跑完、睇完對佢無失望，買之前預咗田泰安會有錯，可是小錯也抵銷唔到利前置的場地偏差，草地還是更啱「悅裕」，開氣後轉攻1800米，安排合理又正路。
其實快、慢步速對「悅裕」影響輕微，縱使今場要面對「神亮金剛」及「我願意」，秤能力和狀態都不差，跨季三場連取一勝兩位，演出相對穩定，賠率又一定有差距，仍覺抵博！
翡翠綠本月試谷閘輕易跑第三