港大校務委員會主席梁智鴻可謂香港醫學界、政界的「不倒翁」，憑着其圓滑的政治手腕、面面俱圓的做事方式，成功游走於港英及北京之間。有熟識梁的政界中人形容，以梁性格不會貿然向徐立之開刀，「一定係收到風，知道徐立之唔留得低」才私下「勸退」徐，企圖兩面討好，怎知挺徐派突然反撲，令他一夜間淪為被追究目標。
梁智鴻出身醫學世家，本身是知名外科醫生，有「金刀梁」之稱，他在醫學界相當有影響力，1988年出任醫學會會長，同年循醫學界功能組別進身立法局，正式踏入政壇。

疑收到風　出手勸退

有曾與梁共事多年的政圈中人形容，梁做事方式猶如吃「四方飯」，「個個都係朋友，盡量個個唔好得罪，識走位之餘又識自動波做嘢」，所以他在回歸前得港英政府重用，又獲北京委任為《基本法》諮詢委員，回歸後又獲任命做臨時醫管局委員，協助政府籌組成立醫管局，2002年更出任醫管局主席，直至2004年因為沙士問責而下台。
不過，梁智鴻於2005年隨着曾蔭權出任特首，獲任命為行政會議成員，不少政界中人也知道曾認為梁「做到嘢、幫到手」，可以為曾出謀獻策、甚至利用他和各方友好的關係去「拆彈」。事實上，梁做事一向懂看形勢，「佢知上面想佢點，就會先睇清形勢，問晒所有人，認為大多數人支持，先會出手做嘢」，所以有政界人士相信，梁一定是「收到風」知道徐難以再留任校長，又打探過其他校委會成員的「口風」，知道主流意見支持有關做法，才會私下約晤徐立之單獨見面，勸他自行提出不續約，「等大家好來好去」，怎知他算漏了挺徐派會反撲，有人形容梁「今次都算老貓燒鬚！」
《蘋果》記者