同左派《大公報》屬同一報系嘅《新晚報》停刊15年之後，今個月20號會以免費報形式復活，近日招請有五年經驗嘅記者，月薪8,000蚊起，好多行家譁然：「真係做洗碗好過。」家洗碗工人隨時月入過萬，做記者cheap到咁，真係要轉行咯。
請人嘅機構叫「領袖傳播集團」，招聘公告話明有銀行假，朝九晚七，中五程度，要五年採訪經驗，有良好嘅普通話優先，仲要採編合一，文字功底紮實等等，要求多多。
有行家質疑，中央咁多錢搞維穩、搞洗腦教育，點解請記者待遇咁低？有行家講笑話，8,000蚊只係表面數，因為強國記者有收紅包習慣。若然屬實，就真係左報嘅悲哀！