42歲名模姬蒂摩絲（KateMoss）同老公JamieHince傳婚變後，好快已經搭上只得28歲嘅男友CountNikolaiVonBismarck。

日前，姬蒂同男友Count仲有一班朋友，去咗瑞士阿爾卑斯山滑雪度假，見到姬蒂坐低時即小鳥依人挨住男友，二人又情不自禁咀嘴，非常恩愛。不過當日姬蒂滑雪時就發生意外跌倒，完全行唔到。經治療後證傷及右腳膝蓋韌帶，之後見姬蒂步行時要撐拐杖，而陪住姬蒂嘅Count就顯得好憂心。

姬蒂與Count患難見真情，打得更火熱，今日更有報道指現時同女兒同住嘅姬蒂，打算另覓居所，令同樣愛蒲嘅佢同男友可以玩得更加夜，同埋有更多私人空間。