iPhone 8、iPhone 8 Plus以及iPhone X正式登場，舉行完新機發佈會，蘋果首度喺新總部Apple Park內Steve Jobs Theater發表新款iPhone，新加坡籍男歌手林俊傑（JJ）受邀去蘋果發佈會，第一時間睇新品，佢一身西裝look現身，更喺facebook開直播同fans分享，沿途不斷讚「太棒了、太棒了」，難掩興奮心情。話晒林志穎一向搶先晒新機，發佈會竟然冇請佢。

JJ係忠誠果粉，上年曾獲蘋果邀請去北京同Tim Cook試用app玩音樂，因此結緣，講番佢喺新機發佈會上，被安排坐喺皮梳化，表示「我很期待今天的發表會，也算是個紀念會，來紀念iPhone 10周年，我也是多年的Apple用戶」，現場有唔少名人、媒體紛紛上前同佢打招呼，而佢首段直播近35分鐘，即吸引13萬人觀看，接着直播iPhone 8發表內容。

佢喺會後po出同Tim Cook交談嘅片，謝謝對方邀請，「來體驗的，不僅僅是科技的邁進，也來學習他們的核心價值，怎麼用專注和熱忱來帶動一代人」，仲話新款iPhone無線充電好酷。