素人變區議員悔太遲從政　虧欠年輕人

蘋果日報 2020/12/04 02:00

蔡志強
    蔡志強被街坊稱為「一哥」，因為他在柴灣居住了30多年，多年來積極關心社區，自然受街坊歡迎，去年阿一以「素人」身份出戰區議會選舉，一舉擊敗扎根多年的李鎮強。「上年11月頭，喺柴灣都有好多示威事件，亦都有放催淚彈。居民開始對呢件事關注度高咗，更加踴躍出嚟投票，係我哋今屆贏到嘅主要原因。」

    可制衡建制派

    提到為何由揸的士到毅然從政，阿一有這番見解：「如果我哋好似班年輕人喺嗰個年紀嘅時候，已經咁關注社會，其實雙普選可能好早已經有。如果有雙普選，可能唔會有送中條例、唔會有國教事件，咁就唔需要年輕人出嚟做咁多嘢、冒咁大風險，我覺得係我哋虧欠咗年輕人。」阿一坦言之前已有從政想法，但未有行動，「從政你始終係要經過選舉，選舉要有資金，要有人支持你先做到，有冇人去做義工幫我去開街站宣傳，都擔心呢啲，同埋錢方面啦，雖然選舉經費係可以問政府攞返，但要等差唔多一年先畀返你。」他指區議員於政制上能貢獻的不多，但都可制衡建制派，例如：「以往國慶回歸紀念，每年使千幾二千萬喺大型酒會，今屆開始我哋有權力去監測。」
    empty
    ■蔡志強自覺虧欠了年輕人，如果能早些關注社會，或許就不會有送中條例甚至國安法出現。