當年今日
關於我們

【廣告經綸】交稅不似預期(文迪晞)

蘋果日報 2019/12/12 15:00

交稅文迪晞

你收到稅單未?沒錯,今年確係遲了一大截。聽講,遲到原因有兩個:一來由於立法會提早於7月初休會,早前復會才通過稅務寬免條例草案;二來政府真係怕咗市民「每次1蚊」交稅會倒蝕(即若果有人逐蚊逐蚊透過PPS交稅,每交1蚊,PPS就收取政府2蚊手續費)。
聽一些銀行行家講,近排政府正積極與銀行業界研究對策以解決這個「每次1蚊」的頭痛問題。可惜就等同政府其他施政措施,不是遲到就係無到,好自然至今仍在研究當中,一切尚未解決,所以有好多稅單暫時hold起咗。以前,呢個綠色炸彈係大家最不想收到嘅,如今,想不到它竟變成一封最不敢寄出嘅信。就算你有張良計,我亦有過牆梯,聽聞市面推出一個「攬炒繳費機械人」,由程式代勞,用戶可以輕鬆用「每次1蚊」嘅方法繳費同交稅,無痛無癢,一招見效。
今年,政府將接納更多分期繳稅免附加費申請,以為繳付利得稅、個人入息稅及薪俸稅人士暫時紓困。如此一來,對於銀行及財務公司來說,交稅時間遲咗都事小,借錢交稅需求細咗反而事大。致令每年稅季都搶攻稅務貸款市場嘅預算大失,對生意帶來巨大打擊。勢估唔到,呢場反送中運動會影響到整個「稅務與經濟」問題。廣告及市場推廣亦備受牽連,做與不做都變得不太重要了。對於納稅人,起碼遲咗交稅,啲錢放喺自己個袋長久一點還是更好一點。
今次運動帶來嘅獨特影響,可謂前無古人,後無來者。假若「1蚊交稅」發生了,最大損失者可能係政府,但最終受益的會係邊個?據了解,PPS由20間持牌銀行組成嘅易辦事及電訊盈科旗下嘅HKT合作營運。換言之,一半收益將會分畀20間銀行,另外一半就當然分畀電盈大老闆李澤楷是也。
文迪晞
---------------------
2020年 股樓何去何從
林本利教你部署退休生活
點擊參加【林本利2020股樓部署】FAN享會
-----------------------
屬於香港人的移民攻略
立即登入【全球樓行】
Dream House零距離