前無綫總經理陳志雲，將會過檔新亞視主持《百萬富翁》，問到今次係咪重金禮聘？志雲當然係大耍太極咁話﹕「唔知喎，商台傾，我覺得合理嘅。(咁薪金高唔高過做無綫總經理？)我真係不知，交畀商台傾。(怕唔怕冇糧出？)唔怕，見佢哋投資好大。」

志雲話喺亞視債務重組期間，吳雨已經問佢《百萬富翁》有冇得做，志雲話﹕「當時我覺得係可延續性好強，唔是一陣子就完嘅節目，有追看性，亦係亞視好焦點嘅節目。適逢今年係亞視20周年，重新又經典嘅節目。後來吳雨搵，我都受寵若，我真係有興趣架，咁咪搵商台同我傾囉。(有冇搵你做高層？)冇喎。」

問到怕唔怕同陳啟泰比較？志雲好坦白話﹕「怕架，好過佢就唔好，話我差過又抑鬱，兩個人好難比較。豬肉在前，啟泰兄當時做呢個節目時畀人留下好多深刻印象，我最叻係似佢，但如其扮佢，不如我做番自己。」怕唔怕畀人話前無綫高層倒戈？佢話﹕「唔係，今次係好事，對製作人，好多觀眾，甚至TVB都係好事，多一個平台多競爭，應該共存共榮。(唔怕TVB不開心？)點會，但tvb覺得受威脅就好，咁證明有進步，兩個台模式唔同。」對於網民話對新亞視冇信心？志雲話﹕「睇大家適唔適應，最怕冇人講。」

更多娛聞，喺晒《娛果》
http://fb.com/appledailyent