現年44歲的前大台音樂總監鄧智偉被爆背高海寧偷食失婚少婦沈小姐，結果事件演變成桃色糾紛，沈小姐接受《蘋果》訪問，指控鄧智偉分手後向她發出死亡恐嚇，而且再兩人拍拖期間，懷疑鄧智偉因分隔兩地而出軌，言談間更透露曾經與樂瞳拍過拖，雖然樂曈是他最愛的女友，但雙方曾經打過架，又試過「兜巴星」樂瞳，而樂瞳則扯鄧智偉頭髮。今日《蘋果》向樂瞳了解此事，她說：「過咗咁耐咩都唔記得啦！而且又唔係一家人，點會有家暴呀。離開咗TVB之後，基本上都冇見過亦冇聯絡，我冇咩要回應啦！」不過再問對前度近日的感情糾紛，樂瞳只說：「對於近日有關鄧智偉先生的新聞，這是鄧先生的私人事，等他親自回應好了！」

曾被封為「宅男女神」的樂瞳，在2012年因為在音樂上與鄧智偉有合作而撻着，其後兩人被發現蜜遊馬爾代夫而令戀情曝光，但她只承認的確去了旅行，不過兩人只屬好朋友關係，而鄧智偉亦以好朋友來形容與樂瞳的關係，當日旅行是一班朋友齊齊出發，其他詳情不願再回應。

-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新