「搬嚟呢間公屋之後,真係又開心又彷徨,以後唔使再同人爭廁所、廚房,但係搬屋開支好大,我問過煤氣公司,裝個煮食爐同熱水爐夾埋要成六千幾蚊,就算分期都冇可能供得起啦。」五十九歲的葉強說。
失業超過三年
強叔年輕時任職酒樓部長,月入曾達萬餘元,其後他在內地娶妻,育有一名女兒。奈何十多年前夫婦因為意見不合而分開,現年十三歲女兒跟隨前妻在深圳生活,雙方鮮有聯絡。近年年紀漸長的強叔隨着經濟不景而被淘汰,失業超過三年。
「我搵過幾十份工,但係佢哋一睇我張身份證,就嫌我年紀大唔肯請,惟有申請綜援金囉。」強叔無奈地說。
近日獲配公屋
由於強叔負擔不起昂貴租金,一直以來均在單身人士宿舍居住,去年社工替他入紙申請公屋,近日獲配秀茂坪一個新落成屋邨的公屋單位,強叔終可擁有一個屬於自己的家。惟因他尚差一年才夠六十歲,故不獲社會福利署發放搬遷津貼,令他大失預算。
「我要問朋友借錢先湊夠二千幾蚊去交一個月租金同埋按金,另外又用咗百幾蚊買膠布鋪地下,已經係我可以負擔嘅極限。」強叔說。現其新居欠缺煤氣熱水爐、煤氣煮食爐、電視機、雪櫃、衣櫃、餐枱等物資,盼獲善長捐贈。
捐款編號:C0812
暖流熱線
電話:29908688
傳真:23702192
電郵:[email protected]
網址: http://www.charity.atnext.com