猛男選Clinique啫喱霜至正
「我好貪靚,因為靚可以有好多着數!」出街多人注視、容易識女仔、購物有折扣、甚至連茶水檔阿姐都會請佢飲奶茶,全因為他擁有一個靚的外表。
聽朋友說JamesYau很貪靚,例如HandCream不離手、又經常大講護膚心得,甚至因為怕皮膚受影響而不照光管,可以說比女人更小心護膚。見他對護膚咁有經驗,一於請他為各界男士提供護膚貼士,及試用最新推出的男士護膚產品。
記者:羅惠芬 攝影:陳智良、林栢鈞
James私人護膚貼士
1.蔬菜要生食,貪佢夠新鮮!
2.唔開光管,因為光管輻射太大,對皮膚有害,所以他的家只有昏黃的座地燈。
3.每朝一個蘋果和青瓜汁做早餐,蘋果要連皮食,青瓜汁要加糖水,可以幫助排毒和清腸胃。
James今年27歲,除了在日本旅遊局做資料部主任,還兼職做舞台劇及模特兒。皮光肉滑的James,幾年前因工作而要經常化妝,出現甩皮、暗瘡、皮膚敏感等現象,於是開始熱衷研究補救方法。
每年轉換護膚品牌
James第一支買的護膚品,是資生堂的洗面乳液。之後,陸續用過多個品牌,包括FanclHouse、Neutrogena、MaxFactor、EsteeLauder、ChristianDior等,最近又有新歡——Biotherm。「我平均一年轉一次護膚品牌,因為皮膚會逐漸適應護膚品的成份,每次發覺產品開始無效,我就會即刻轉。」
吃生果有助性能力
有5呎11吋高的James,腰圍只有28吋,誰會想到他曾經是個擁有40吋腰圍的「大灰熊」?後來他決心減肥,試過連續兩個月不進食,每天只飲水,為的是減去身上贅肉。「𠵱家我Keep住食兩餐減肥,將午餐同晚餐合併,菜係必吃的食物。每晚七時後唔會進食,否則一肥就好難睇。」
不過,James食生果還有一個特別原因:「食生果不但可以清理腸胃,重可以增強性能力,起碼事後無咁疲倦。」
James護膚品測試
Clinique特效清爽保濕啫喱霜
含蘆薈葉水和甘油,可以鎖住皮膚水份,減少細紋問題。
用後評語:「極品!即時睇到毛孔收細咗,皮膚都平滑咗,又唔『𣲷』,一試就停唔到,我一定要買!」
ClarinsFatigueFighter
潔面後使用的面霜,可即時替皮膚充電,加強皮膚彈性和光澤。
用後評語:「一搽上面就有冰涼感覺,即時效果比Clinique更好,皮膚即刻有光澤。不過我驚佢谷得太勁,所以只會出Show時才用。」
CalvinKlein清爽潔面啫喱
集合潔面和爽膚功能,有收縮毛孔功效,適合中性至油性皮膚使用。
用後評語:「洗完面皮膚完全無繃緊情況,而且感覺幾爽。我諗住之後會轉用呢隻洗面產品。」
LabSeries眼肚修護精華
不含香料及油份,可以逐步減淡黑眼圈、眼袋及魚尾紋。
用後評語:「夠滋潤,不過效果唔係太明顯,滲透速度亦唔夠快。」