It'sPossible美有可能:豪1萬蚊 半個鐘做硬周汶錡
年屆31歲嘅名模周汶錡Kathy,久唔久就被傳媒大字標題玩踢爆,EQ極高嘅佢三緘其口,企硬一句「箍咗牙、阿媽生成我咁!」就想淡化整容傳聞。一連串女星名媛繼而被翻新舊,讀者當然大呼過癮;另一邊廂,則有人蠢蠢欲動,想一改缺憾美嘅芳容。知你十五十六,今次搵嚟Model阿Lin公開整形(打透明質酸)過程,只須30分鐘就可變身成翻版Kathy!
記者:盧家蕙
攝影:伍慶泉
Model:Lin、YoYo、
[email protected] MakeupArtist:Kinki
鳴謝:黃曉嵐醫生
查詢:NeoDerm(29768888)
衣服及場地贊助:OLDIEF(25758775)
變面人辦Lin,眼圓、面圓、鼻扁,被人稱為翻版阿Sa,但她說:「其實我好想瘦面、整高個鼻、下巴兜番少少,應該會靚好多!」雖然首肯打透明質酸隆鼻和豐下巴,不過她仍有點懷疑:打針痛唔痛?支針粗唔粗?會唔會留有疤痕?大大小小嘅問題,就由黃曉嵐醫生親自解答啦!
透明質酸是一種多醣體,本身也存在於人體內,是皮膚、關節及軟性組織的重要部份,作醫學注射已有十幾年歷史,亦是唯一獲得美國食物及藥物管理局(FDA)和歐盟(CE)批准的非動物性穩定透明質酸注射填充劑。因為是由細菌而非動物抽取,是以可避免疾病傳播的危險,無過敏原,大大降低敏感機會。
透過增加皮下組織表面容量,將皮膚凹陷部份(即皺紋或鼻樑)充脹,增加皮膚的體積容量,藉以提升鼻樑、改善鼻裂,豐滿下巴、嘴唇及撫平皺紋。
透明質酸會於體內逐漸分解及被吸收,經肝臟分解成二氧化碳及水份排出體外,成效最長可維持1年,而大多數人會於6-9個月後便再注射一次。
Lin在接受注射前,要先塗上麻醉藥膏,以減低打針時的痛楚。然後便由醫生度位,開始整形過程……
■醫生會以間尺及marker筆量度及清楚標明落針位置,之後用幼針把Restylane透明質酸注射於鼻樑。
■注射期間,醫生要不斷按揑,以造出理想的高度和形狀。
Restylane為行內數一數二的透明質酸,較立體及實淨,品質較好。
黃醫生話Lin嘅鼻樑及鼻尖共打咗一支半,因為佢個鼻小巧、鼻翼唔闊,效果唔錯。「下巴就打咗半支,按面形比例,佢下巴長少少就夠,打太多可能變闊、變方。咪以為打得多就一定靚,最好聽取醫生嘅專業意見。」
「我估唔到鼻樑直咗、高咗,個樣即時變靚咗咁多,下巴兜咗好有富貴相㖭!我可能會keep住打,睇吓到時有冇錢啦!」
整形始終唔係人人夠膽,想外表四正,除了整形,最簡單當然係靠化妝啦!只要手勢好、技術高,化妝同樣可化腐朽為神奇,當然你要接受到自己卸妝後打回原形的衝擊啦!
1. 先塗粉底,方面的人可於腮骨、顴骨對落位置,以深棕色陰影膏由上而下塗抹面頰。
2. 掃上碎粉,再以白色光影粉輕掃鼻骨、額頭及下巴中間,記住要直掃下巴。
PinkShimmerBrickCompact$300
盛傳郭可盈曾接受Botox注射及削腮骨手術,立即變瓜子面形。
1. 先以黑色眼線筆畫粗眼線。以黑或棕色眼影塗整個眼窩,暈開成小smokyeyes。
2. 以白色光影筆畫下眼線及內眼線,眼睛會變得亮大。
3. 掃有增長濃密功效的睫毛液或黐假睫毛。想加長眼形,可於眼尾黐上長假睫毛。