由以色列索女姬嘉鐸（Gal Gadot）主演嘅電影《神奇女俠》（Wonder Woman），全球上映未夠一個月，已錄得5.78億美金（逾45億港元）票房，為DC超級英雄電影挽回面子。

不過荷李活出晒名重男輕女，女星比男星待遇差一向係圈中嘅歧視問題，原來姬嘉鐸今次都係以價擔演《神奇女俠》，據報道指佢片酬竟然只有30萬美金（約234萬港元），就連安排年底上映嘅《正義聯盟》（Justice League）都係只收同價，真係夠晒超值。

姬嘉鐸曾於《蝙蝠俠對超人：正義曙光》（Batman v Superman: Dawn of Justice）中首度登場，反觀其舊拍檔、飾演「超人」嘅亨利卡維（Henry Cavill）片酬就高達1400萬美金（約1.09億港元），係姬嘉鐸嘅46倍之多！