當年今日
關於我們

【幾前衛都試過晒】45歲生日拍寫真留念 Sammi:我仲影唔夠?

蘋果日報 2017/06/15 22:51

謝婷婷生日鄭秀文河智苑

鄭秀文(Sammi)、韓國女星河智苑、馬詩慧與大女王曼喜今日喺中環IFC出席時裝活動,Sammi就戴住眼鏡出場,記者問到佢係唔係抱病在身,佢即笑言:「睬,我不知幾精靈,係文青時尚feel。」問到佢8月就45歲生日,會唔會拍寫真留念,佢話:「冇咁打算,有啲人好狀態要留倩影係好好,好似我家姐都有呢味嘢,佢本身工作好正經,搵專業攝影師影,係有着衫。」
問到佢會唔會效法,佢就笑言:「我仲唔夠?我畢生影咗好多相,我見到有啲女星好有衝勁,幾廿年前思想前衛,幾有型,自己對藝術好寬闊,唔可以畀條線限住,有啲演戲須要,着得好薄,唔着衫都可以接受,但做就另計。」
Sammi做咗許太,如果有好團隊,性感要唔要問准老公?Sammi笑言:「我已經好少布,演唱會得條羽毛,唔通得一條線,做咗太太,更加有勇氣衝破藩籬,藝術唔係線,回望自己20幾歲都好大膽。」Sammi又透露今年會同粉絲搞千人生日會:「要去拍戲好耐,要生日會前趕返嚟香港,因為同粉絲搞生日最重要。」
河智苑被問到佢有冇拍拖時,翻譯就譯成問佢嘅近況,結果河智苑就話要休養身體,準備第二部作品。提到佢會同姜敏赫拍劇集《醫療船》,佢表示詳細資料要等韓國活動時公開,亦笑笑口保密未有確認合作對象,佢仲話如果有機會都想同Sammi合作。至於月底39歲生日,河智苑表示:「有機會想同粉絲過,如果不可以,同朋友都好開心。」
謝婷婷就講到啱啱學識下廚:「整咗三文魚、菠菜同蘑菇,我send咗相畀霆鋒睇,佢冇反應,唔知佢唔喺香港、定我唔合格,佢煮得好fancy。都想煮一餐畀爹哋同佢慶祝父親節。」婷婷透露四哥同女友Coco依然一齊,亦有見過面,提到會與下廚畀傅緋聞嘅「鷹眼」謝洛美維拿(Jeremy Renner),佢笑言:「今次我第一次成功,要練習多幾次,搵爹哋哥哥做白老鼠先,o依家都計劃緊7月去美國。」記者問到有相片見到佢姪仔Quintus疑似手打石膏,婷婷即愕然:「吓,我唔知,係唔係繃帶?我要即刻打電話問吓佢先。」
empty
右圖攝影:沈健程
empty
Sammi今日戴大眼鏡出席時裝活動。
empty
下個月45歲喇,Sammi話冇考慮影寫真留念。
empty
empty
河智苑就係月底生日,佢話想同fans過。
empty
empty
謝婷婷啱啱學識煮飯,想搵霆鋒試味。
empty
馬詩慧同大女王曼喜