關係咁唔簡單,噚日八方當然電聯四太打聽吓彤叔最新情況啦,四太好錯愕咁話:「我都係啱啱喺韓國返嚟,唔清楚呀,我都要問吓人!」八方再問佢彤叔係咪昏迷不醒時,佢就話:「我唔知呀,家無嘢答到你,我一直都係聽緊你嘅片面之詞(彤叔昏迷),我都想同你求證吓!」
後生仔可能唔知彤叔同賭王嘅淵源,彤叔手上嘅澳娛股份,係佢老人家喺1982年,用3億港銀喺同賭王「唔啱key」嘅葉漢手上購入,都算幫賭王除咗粒「眼中釘」,所以兩家人到家嘅關係非常好。好似賭王旗下嘅信德,彤叔家就仲做緊非執董。信德噚晚咁啱又出咗張通告講核數師辭任,但居然張通告尾段仲有彤叔個名!
根據規定,有睇過張通告嘅董事先可以留低個大名,咁係咪想話畀人知彤叔好清醒?定係張通告一早畀咗彤叔過目,所以可以大大隻字印彤叔個名呢?
mailto:
[email protected]