當年今日
關於我們

【大龍鳳】C朗喊走博加薪? 佩雷斯不滿被「勒索」

蘋果日報 2017/06/18 09:45

西甲皇家馬德里曼聯C朗基斯坦奴朗拿度佩雷斯

各國傳媒突然爆出基斯坦奴朗拿度(C朗)離開皇家馬德里消息,背後原因眾說紛紜,有指佢不滿未獲皇馬球迷尊重,經常受「柴台」之苦,亦有指佢不滿自己被西班牙檢察當局追討逃稅一案等,但講到最陰謀論一種,就要數C朗借放風離隊,希望喺續約談判上爭取更多籌碼。事實上,雖然32歲嘅C朗去年11月先同球隊續約至2021年,更有指以4億港元年薪再次成為隊內頂薪球員,但呢個劇本過往確實老是常出現,魔迷的確唔好開心得太早。
西班牙《馬卡報》周六更以「blackmail(勒索)」一字為題報道,指球隊領導層同樣有感C朗唔係第一次擺佢哋「上枱」,包括加里夫巴利來投時亦有類似情況,因此會長佩雷斯已經向C朗講明,雖然唔會阻攔佢離隊,但一切洽談條件都係由皇馬話事,包括傳聞17億港元天價轉會費等。
empty
C朗鬧轉會,只係同佩雷斯嘅續約暗戰?