前「中國小姐」柯嘉琪前晚在中環蘭桂坊為比堅尼騷做司儀、管理及指導，教一班女模特兒行騷。行騷女模有無綫《有樓萬事足》的Vivienna（賴彥妤）、Celine C、Hannah Chan、李文潔（Liz）等。柯嘉琪表示自從大學畢業後，多次接辦同類活動，並打算開一間音樂室：「我讀嘅degree係音樂，master係傳理，希望可以教育下一代。」她坦言為了未來戀愛對象，不想再行比堅尼騷：「驚未來男朋友唔鍾意，想之後結識男朋友嘅形象好啲。去年經營大閘蟹生意失敗，同男友分手，今年專注事業，𠵱家同對象了解緊，所以想做好自己，收起性感，要搵老公，唔係搵男朋友。」

Vivienna自覺穿比堅尼很普通，因她熱愛陽光與海灘，預告今個夏天會性感亮相各大媒體。Vivienna憧憬愛情，口裏說男士有樓不是首選條件，但心裏卻很誠實，她說：「有樓男士可以優先考慮，成熟男士將賺到嘅錢，投資適當地方係好表現。」
採訪：卓寶花
攝影：陳慧安