何傲兒和周子揚去年9月情海翻波後爆發連串是非，爆出何家苛索每月20萬生活費及林建名與何傲兒曖昧。何傲兒昨日出席活動時公開表示希望盡快找到真命天子遠離小人是非，並為傳聞作出反擊，已發律師信給周子揚要求公開道歉兼暗指對方劈腿而導致分手。
何傲兒昨日到將軍澳出席蘭花展活動時，正式公告單身直認想有真命天子出現，並對近期遭舊愛周子揚數落事件吐苦水，她說：「之前覺得唔係事實唔需要澄清，只係喺聖誕發過一個聲明，但對方講得越來越過份，我要維護我家人。」周子揚日前出席活動時稱與何氏姊妹關係好不擔心收律師信，何傲兒笑說：「我真係唔知佢幾時講真幾時講假，上星期尾同家姐一齊發咗律師信去佢屋企。」

周子揚：已收律師信

何傲兒透露兩人去年9月正式分手，何以一直否認拍拖？何傲兒直指：「當我唔承認一段感情時，我係靜心觀察到底呢段關係應唔應該繼續落去。多謝林生（老闆林建名）同佢家人一直精神上支持我，我講100次你哋信又好唔信又好，林生同我只係上司同下屬關係。」她又反擊周子揚說：「我可以有一樣嘢由我自己把口去講，我仍然係好虔誠天主教徒，好多嘢我會繼續保持住，會守住好多嘢。」並默認至今仍守身如玉及守天主教教規。
是否因為性方面要分開？何傲兒說：「我份人好專一，分開原因周生最清楚，我爸爸教我做人要有口德。」有傳收下林生數百萬及鑽戒，何傲兒不忿說：「如果我真係收咗唔使做得咁辛苦啦，鑽石係贊助，有根有據，我冇收過。」
周子揚透過電話表示近兩日收到何氏姊妹發出的律師信，已交給律師處理。強調兩人之間一直沒有第三者，他說：「我哋都係娛樂圈人，唔想進一步爭拗，大家亦曾經好好關係，兒女私情亦冇對與錯，唔想沒完沒了喺公眾場合攞件事嚟講，希望盡快解決平息，我仍然希望佢會好好。」
採訪：卓寶花
攝影：陳慧安