何傲兒透露兩人去年9月正式分手,何以一直否認拍拖?何傲兒直指:「當我唔承認一段感情時,我係靜心觀察到底呢段關係應唔應該繼續落去。多謝林生(老闆林建名)同佢家人一直精神上支持我,我講100次你哋信又好唔信又好,林生同我只係上司同下屬關係。」她又反擊周子揚說:「我可以有一樣嘢由我自己把口去講,我仍然係好虔誠天主教徒,好多嘢我會繼續保持住,會守住好多嘢。」並默認至今仍守身如玉及守天主教教規。
是否因為性方面要分開?何傲兒說:「我份人好專一,分開原因周生最清楚,我爸爸教我做人要有口德。」有傳收下林生數百萬及鑽戒,何傲兒不忿說:「如果我真係收咗唔使做得咁辛苦啦,鑽石係贊助,有根有據,我冇收過。」
周子揚透過電話表示近兩日收到何氏姊妹發出的律師信,已交給律師處理。強調兩人之間一直沒有第三者,他說:「我哋都係娛樂圈人,唔想進一步爭拗,大家亦曾經好好關係,兒女私情亦冇對與錯,唔想沒完沒了喺公眾場合攞件事嚟講,希望盡快解決平息,我仍然希望佢會好好。」
採訪:卓寶花
攝影:陳慧安