陳百祥阿叻盛傳因為多次發表挑釁言論，令網民不滿，「熄機」之聲不絕於耳，故無綫下令佢「收聲」，唔俾佢出席今早商台節目《在晴朗的一天出發》，留番聽日先至開咪。

之前多次話自己係TVB嘅人，所以一定撐TVB。今日見佢穿上大紅格仔西裝滿場飛，心情甚好，更同無綫主要股東殼王陳國強搭晒膊頭影相，毋須避嫌。另新成立嘅星夢娛樂眾歌手今晚挑大樑、取代英皇眾歌手地位擔任opening表演嘉賓，故老闆何哲圖亦滿場飛同無綫巨頭包括梁乃鵬、李寶安等social一番。