前年出道嘅韓國6人樂隊The EastLight.，於10月驚爆出道以來一直受到所屬事務所Media Line嘅老闆金昌煥言語暴力，更被公司嘅製作人文英日毆打。18歲隊長李碩澈及其16歲胞弟兼隊友嘅李勝鉉，親自公開傷痕指控被毆打，並以暴力、協助暴力等嫌疑正式向警方起訴金昌煥、文英日等人。

今日，金昌煥聯同社長李正賢及兩名The EastLight.前成員李恩成及丁俟江現身記者會，反駁李碩澈兄弟嘅指控。金昌煥喺會上公開咗李碩澈、李勝鉉兩人父母嘅短訊及通話內容，表示係李碩澈兄弟嘅父親首先要求進行體罰，其父仲親自參與對兄弟兩人嘅施暴：「佢哋公開受傷嘅相中，10張有9張都係案件發生後幾日先拍攝，作為警察嘅李勝鉉父親，對兒子施暴後又影相，意圖取得醫院診斷書並利用輿論陷害我哋。」

金昌煥又喺會上公開李勝鉉從公司搬走電子鼓嘅CCTV影片，指摘李勝鉉聯同其父親盜取公司財物，並一再否認曾放任不管李碩澈兄弟被打一事，叫兩人唔好再歪曲事實。而兩名前成員李恩成及丁俟江亦現身力撐舊東家，表示從未被禁錮、毆打：「今次事件爆發後，包括心愛嘅會長(金昌煥)在內嘅好多人都受到傷害，雖然我哋已經同公司解咗約，但總覺得唔可以坐視不理，所以決定企出嚟講出真相。」

李恩成及丁俟江指事前完全唔知李碩澈兄弟兩人起訴公司，對於兩人突然爆料指被毆打一事感到驚訝及生氣，又透露李勝鉉經常都被其父親體罰：「聽(李)碩澈哥講過好多次，話(李)勝鉉每次喺公司犯錯的話，其父親都會由家鄉大田趕到首爾暴打兒子到凌晨，話父親經常會用皮帶、棍打勝鉉，仲打得好狠。勝鉉由大田返嚟都曾經講過畀父親用高爾夫球棍暴打。」

相關新聞：
韓16歲男團遭公司製作人毆打 事務所發文道歉
https://bit.ly/2CVYCu4

【老闆發聲明道歉】韓男團成員開記招爆喊：弟弟被打後接受精神科治療
https://bit.ly/2ORo7mM

【男團被打受傷照曝光】韓媒公開老闆威脅錄音 李碩澈聽日再公開證據
https://bit.ly/2ED86wh

【再公開傷勢】韓男團成員被毆打臀部滿佈瘀傷 涉案製作人未經同意下復職
https://bit.ly/2yzYQn3

【其餘4位成員解約】韓16歲男團被打 李碩澈父遞交起訴書告涉案製作人
https://bit.ly/2qcrOF6

【疑被打片段曝光】韓男團被毆打 李碩澈孖弟弟冒雨現身警局助查
https://bit.ly/2SD4VYm

韓男團成員被毆打案移交檢察廳 涉案製作人被拘捕
https://bit.ly/2V8tb5P

精選韓流，喺晒《娛果》
http://fb.com/appledailyent