雖然全人類都心急如焚，但狼英死都唔肯展開政改諮詢，噚日就連行政會議召集人林煥光去劉慧卿嘅網台節目《議會內外》都忍唔住出聲，話2020年立法會一定要全面直選，取消功能組別，仲話中央會願意考慮。至於立法會點直選，林煥光話三分一可維持比例代表制，以保障少數政黨利益，三分二可以直接以票數多寡瓜分議席。佢話，絕不認同冇功能組別，立法會就會變得民粹，關鍵只係中間偏右、商界願唔願意面對直選。
負責訪問佢嘅劉慧卿就話，下集嘉賓係葉劉，對方一早打來問佢着乜嘢衫，唔想撞衫，卿姐又話，約咗中央政策組首席顧問邵善波好耐，都約唔到對方。