【新增動新聞】
效力上海上港嘅巴西球星奧斯卡杜斯山度斯，星期日喺作客廣州富力嘅中超聯賽因為上半場兩次將皮球踢到對方球員身上而引發球員衝突，不過佢賽後否認自己唔尊重對手，而教練波亞斯亦話奧斯卡唔係粗野，只係比較激烈。

奧斯卡賽後接受簡短訪問時候否認自己唔尊重對手，佢話︰「我非常尊重運動精神，踢波嘅人都知道嗰個係正常動作，只係咁啱對方球員喺前面。」至於上海上港教練波亞斯就話︰「奧斯當時踢得比較激烈，佢只係想畀對手壓力……對方可能認為奧斯卡太過激烈而做出反應，我哋嘅傅歡亦參與其中，都領到紅牌。」