【一個壞咗嘅人】許志安花14個月時間 停工陪伴太太Sammi
蘋果日報 2020/06/15 13:40
許志安鄭秀文
曾被黃子華以「香港最後一個童話」嚟形容許志安與鄭秀文嘅愛情故事！去年4月16日被《蘋果》獨家報道安仔背老婆Sammi偷吃馬國明女友黃心穎後，曾一度令呢個童話幻滅，經歷「安心偷食」一役，安仔幸得Sammi原諒，令呢個「變壞咗嘅人」有機會重新出發。安仔足足用咗14個月去搵番自己，究竟安仔呢14個月係點渡過呢？
2019年
4月16日 「安心偷食」曝光，安仔在銅鑼灣一間酒店舉行記招，哭至鼻涕長流自認「呢一刻係冇咗靈魂，我係一個壞咗嘅人，希望大家可以畀時間我搵番我自己，我要同所有朋友講對唔住。」
4月18日 Sammi首度開腔，表示已原諒安仔，更指夫妻相處之道是要互相糾正。
6月24日 Sammi於IG Story貼做Gym相，相片右邊玻璃倒影現安仔身影，是「安心偷食」後，夫婦兩人首度「合照」。
6月27日 安仔自「安心偷食」後首度現身，穿上「出事戰衣」獨自駕車到元朗探朋友，並表明沒有聯絡黃心穎及強調「做番好自己，面對番自己」。
7月14日 Sammi在紅館開騷時，安仔幾乎晚晚現身，Sammi亦在開騷期間，貼出有安仔半邊身的後台「照片」，似有意放生安仔。
8月1日 Sammi完成13場紅館演唱會後，與安仔及張衞健、張茜現身機場出發飛往英國倫敦。
8月11日 安仔、Sammi與張衞健夫婦轉飛到維也納歐遊，Sammi與安仔落機時更手蹺手，顯得非常恩愛，放假後，與安仔重修舊好的Sammi，繼續投入工作，以及照顧相繼生病的父母；至於安仔則繼續其「自修」生活。
2020年
2月3日 與太太Sammi現身跑馬地，安仔陪伴在側買中藥。
3月11日 安仔捐出1000個口罩，與好兄弟蘇永康一同派發給有需要的人。
5月尾 安仔現身跑馬地一間茶餐廳買外賣，全程低頭望手機。
6月13日 傳出停工14個月的安仔，獲太太Sammi支持，將復工亮相ViuTV節目《Chill Club》擔任嘉賓。
許志安被揭背妻出軌後，即開道歉記招。（資料圖片）
鄭秀文選擇原諒丈夫許志安。（資料圖片）
「安心偷食」後，許志安首度現身，表示要「做番好自己」。（資料圖片）
許志安於太太鄭秀文紅館演唱會第三場現身支持。（資料圖片）
鄭秀文完成13場紅館演唱會後，即與丈夫許志安離港旅行。（資料圖片）
許志安生日期間，與太太鄭秀文及好友張衞健夫婦同遊維也納。（資料圖片）
許志安於年初陪伴太太鄭秀文到跑馬地買中藥。（資料圖片）
許志安（右）偷食黃心穎（左）事件曝光後，足足停工14個月。（資料圖片）
黃心穎當時跟Sammi關係友好，不少網民心痛Sammi被蒙在鼓裡。（IG截圖）