HKTV開台劇《選戰》一星期先播一集，唔知一班觀眾熱情會唔會退卻，不過因為佢哋係網劇，所以好多嘢都唔受「廣播條例」限制，變相可以有更多新意，或者更激嘅情節。

第五集嘅《選戰》，就有「疑似」好激嘅情節，劇情講王宗堯飾演嘅張癸龍，發現記者紀文慧(陳逸寧飾)竟然一直同佢死對頭宋漫山(廖啟智飾)有利益來往，兩人本來只係喺梳化激咀，不過之後王宗堯就將陳逸寧按喺梳化從後「霸王硬上弓」，陳逸寧嗌晒救命，令網民聯想到「肛交」情節!

有雜誌問到王宗堯呢段戲，佢就話:「我覺得咬爛咀唇，血淋淋咁樣會唔夠好睇囉!成件事會變到好夾硬嚟，似大台啲劇，真係唔夠力量，唔夠電影感，O依家冇特別交代，等觀眾自己去揣測。」咁究竟係咪Wronghole真係大家自己諗啦!