當年今日

汽車保險業處事 令人齒冷

蘋果日報 2002/01/07 00:00


踏入新一年,預期有唔少歐日新車到港,對香港車市復甦有頗大嘅刺激作用。之不過,最近有朋友向亞Mark大吐苦水,話佢一向有良好嘅駕駛紀錄兼有60%NCB,但最近佢部家庭車卻遇上交通意外,被尾隨車輛撞及車尾,責任不在於佢;之但係燕梳到期續保,有關嘅保險公司卻不肯受理,既令人費解之餘,重予人有錢就識收,但有事就拒理嘅壞印象。查實亞Mark早前經已聽聞,話由於近年有較多失車紀錄,大多數汽車保險公司,對高危一類嘅新車幾乎完全拒保之外,又或者會向新車主加倍收取保費,響淡靜嘅車市下,有人肯買車都要受到諸多留難,影響所及重連累埋普羅嘅家庭車客,睇嚟香港嘅車市復甦都只會係空想囉!