報道提到O型血嘅人性格剛強、勇往直前，徐少春又點講呢？「如果被關閉在一個狹小的團體式社團內，寂寂無聞地受着他人的指揮和箝制，那麼將會產生很糟糕的後果……」呢個其實係徐主席經驗之談，佢話初出茅廬喺間工廠打工，一返工佢就表明態度話想做廠長，咁口響，自然引起廠長注意，仲惹嚟同事非議！唔怪得徐主席當年要創業自己做老闆啦。不過佢唔認自己係老闆，「一直將自己當做職業經理人」。
至於徐少春請人時有冇睇應徵者嘅血型，報道冇提到，但就話06年底，空降金蝶做CEO嘅何經華，咁啱都係O型血，徐少春話同何經華性格相似。唔知係咪咁，所以佢對呢位CEO好有信心，將公司事務都交畀對方。