當年今日
關於我們

【分享護膚心得】愛姐換高貴白裙現身晚宴 想帶龍鳳胎遊香港迪士尼

蘋果日報 2018/06/21 16:43

李英愛

【新增內容及圖片】
現年47歲嘅韓國「氧氣美女」李英愛,噚日率先襲港,準備今日下午現身Ritz Carlton酒店,出席佢擔任咗13年嘅代言護膚品牌嘅宣傳活動,
下午4時15分,穿上粉紅色連身裙嘅愛姐終於現身,佢先企定定畀大家影相,露出甜美笑容展現優雅氣質。
之後愛姐用廣東話跟大家打招呼:「大家好。」愛姐又非常感謝大家於繁忙時間都出席活動。
提到近況,愛姐表示龍鳳胎都已經7歲,讀緊小學,作為媽媽嘅佢,都忙於照顧孩子。另外,佢亦要準備電影《尋找我》,電影中佢都係飾演母親一角,尋找失蹤嘅孩子。李英愛又表示:「希望明年電影可以於香港上映。」
愛姐亦分享護膚心得,表示龍鳳胎2歲時佢哋一直過田園生活,過自給自足嘅健康生活。另外,愛姐都會根據天氣及環境而選用唔同嘅護膚品。
今次難得來港,愛姐表示:「噚晚都食咗好味嘅嘢。不過每次嚟都因為工作而非常繁忙,估計今次都係忙。0依家龍鳳胎都大個,如果有機會,希望下次可以同仔女一齊去迪士尼。」
及後愛姐就換了白色裙出席晚宴,顯得愛姐好高貴,佢亦有喺台上發言,指對上次來香港已經係《MAMA》,自己都好想同家人及仔女純粹來港放假,順道來香港旅行,而指因為一家人之前住喺郊外,間中會一齊剪草同園藝,所以對皮膚會有幫助。

更多韓流,喺晒《娛果》
http://fb.com/appledailyent
empty
攝影:仇志德
empty
愛姐前後只現身10分鐘
empty
喺現場分享護膚心得
empty
透露想帶龍鳳胎遊迪士尼
empty
愛姐用廣東話跟大家打招呼:「大家好。」
empty
愛姐之後換咗衫現身晚宴
empty
好清秀