今日周二俄羅斯世界盃Day 13，昨晚的A、B組最後一輪分組賽結束，葡萄牙及西班牙大熱倒灶未能贏波，C朗更射失12碼，差點成為葡萄牙罪人。烏拉圭更三球大炒主辦國俄羅斯，沙特亦為亞洲球隊爭啖氣，2:1擊敗有沙拿的埃及。結果6位名家全軍覆沒。

中環果盤首次冇人估中，開創先河，不過，正所謂唔估唔知時運到，今日3位名家湯文亮、沈大師同唐牛捲土重來，齊撐尼日尼利亞下盤（受讓一球），踢走阿根廷同美斯的世盃夢。（留意返，阿根廷必須要取勝及盡量取得更多淨勝球，才有望出線16強。）

冰島小國振奮人心，今場必須要戰勝克羅地亞，還要寄望阿根廷最多1球小勝尼日尼亞，或者雙方打和，而冰島要淨勝兩球以上，先可以出線16強。無論如何，冰島非勝不可，Cal同盧卡股就一於撐冰島下盤（受讓平手/半球）

至於翁世權今晚揀咩？大家記得繼續留意FB專頁【蘋果ATM】公布啦！

【中環果盤】估波團陣容鼎盛：
湯文亮　紀惠集團行政總裁
沈振盈　訊匯證券行政總裁
翁世權　瑞通上市產品銷售主管
唐牛　　投資專欄作家
盧卡股　投資專欄作家
Cal　　　動主播

玩法：
每日挑選一場世界盃賽事，以香港馬會推出的讓球盤（亞洲盤）作準，估出「上、下盤」。
蘋果財經，關心你飯碗
http://fb.com/appledailyatm