噚晚萬聖節嘩鬼出籠,除咗年年都化行妝嘅夏蕙B,一班明星都相當投入,好似餅碎區文詩、鄧麗欣(Stephy)同楊愛瑾就扮白衣鬼新娘,唔算好驚嚇,不過都算有誠意啦。不過靚女通常都唔會扮核突造型,好似何家淑女何超蓮,佢就喺微博PO咗個金髮美女造型出嚟,完全唔恐怖,而Jeana(何佩瑜)一樣唔扮核突,化身美少女戰士入面嘅火麗野造型喺蘭桂坊狂歡,大晒長腿。媽模Mia同樣都只係cosplay索爆女護士,依家萬聖節根本變咗cosplay大會!
男子組就認真得多啦!黃曉明扮「Joker」,不過都係一個靚仔嘅「Joker」,關楚耀就搽白晒塊面打晒燈,以氣氛取勝,胡兵就扮魔盜王就算數。