近日韓國演藝圈先後傳出藝人離世嘅噩耗，繼噚日韓國方面表示搖滾男子組合BrokenValentine主音金京民（Van）於前日玩水時遇溺身亡，之後又傳來搖滾女歌手都恩英於前日離世，終年32歲。

男歌手延圭善於facebook公開好友都恩英嘅死訊，留言：「都恩英，一名很出色、我好欣賞嘅歌手於噚日（前日）去世。」又透露都恩英早前仲錄製新歌及拍攝MV，二人幾日前都有見面，因此延圭善對於好友嘅突然離開感到非常惋惜。

都恩英於2005年演唱韓劇《加油！金順》嘅OST《I'llPray》出道，並於2007年推出專輯《Carmen》，2012年時演出tvN節目《SuperDiva》而增加知名度。

另外，Van嘅告別式於韓國水原市東水原醫院舉行，並已於今朝出殯。