【弦外之音】誰是精品？誰是廢物？ 林宥嘉：重要是你跟誰混
蘋果日報 2014/04/06 06:00
鄧紫棋林宥嘉
林宥嘉同G.E.M.分手後再見不是朋友，日前G.E.M.喺fb數臭舊愛，而Yoga噚晚喺微博就發表朋友論。- 林宥嘉微博（微博圖片）
- 網民叫Yoga滾出大陸。（微博圖片）
鄧紫棋（G.E.M.）喺《我是歌手2》總決賽雖然只屈居亞軍，但喺內地人氣依然強勁，噚日現身深圳機場時，仲有逾300粉絲守候，場面一度混亂。而G.E.M.奪亞軍後，其舊愛林宥嘉（Yoga）喺微博就冇乜表示。
事實上G.E.M.同Yoga分手後，似乎再見不是朋友，G.E.M.早前喺facebook數臭舊愛，分手後傳聞不絕，有台灣媒體仲爆G.E.M.與Yoga拍拖三年，曾分手五次添。不過Yoga連日來就未有回應，只係喺微博貼張菊花照，被指係借菊花下火。
噚晚Yoga再更新微博，就講到「人生要交的六個朋友」呢個課題，佢話：「沙子是廢物，水泥是廢物，但他們混在一起是混凝土，可以蓋起一間屋；汽油是精品，米是精品，但是混在一起卻失去了作用。精品或廢物不重要，重要是你跟誰混，才最重要。」係咪有弦外之音呢？
Yoga呢番朋友論係咪有弦外之音，就不得而知，不過Yoga微博卻遭網民瘋狂洗版，將佢冠以「台獨藝人」，只係一則留言就有15次「台獨藝人滾出大陸」，有網民亦留言附和「滾回你的台灣，再也別來大陸」；「我們不會忘了你是台獨的」。除了話題去到台獨外，更講到佢同G.E.M.分手：「還好，你跟鄧紫棋分手了，因為你不怎麼配。」
事實上G.E.M.同Yoga分手後，似乎再見不是朋友，G.E.M.早前喺facebook數臭舊愛，分手後傳聞不絕，有台灣媒體仲爆G.E.M.與Yoga拍拖三年，曾分手五次添。不過Yoga連日來就未有回應，只係喺微博貼張菊花照，被指係借菊花下火。
噚晚Yoga再更新微博，就講到「人生要交的六個朋友」呢個課題，佢話：「沙子是廢物，水泥是廢物，但他們混在一起是混凝土，可以蓋起一間屋；汽油是精品，米是精品，但是混在一起卻失去了作用。精品或廢物不重要，重要是你跟誰混，才最重要。」係咪有弦外之音呢？
Yoga呢番朋友論係咪有弦外之音，就不得而知，不過Yoga微博卻遭網民瘋狂洗版，將佢冠以「台獨藝人」，只係一則留言就有15次「台獨藝人滾出大陸」，有網民亦留言附和「滾回你的台灣，再也別來大陸」；「我們不會忘了你是台獨的」。除了話題去到台獨外，更講到佢同G.E.M.分手：「還好，你跟鄧紫棋分手了，因為你不怎麼配。」