【韓國索人妻】37歲全智賢騷靚膊搵銀 愛姐晒自拍冧大陸粉絲
蘋果日報 2019/09/02 16:15
全智賢李英愛
韓國兩大女神全智賢及李英愛，近日都有新相公開。
韓國有不少靚靚人妻，當中37歲的韓國女神全智賢，生B後依舊維持弗爆身材，難怪一直深受廣告商歡迎。
目前全智賢專注於家中照顧兩名兒子，雖然一直未有拍戲推出新作，但就密密拍廣告搵銀及維持曝光率。早前全智賢為代言的化妝品牌拍攝新廣告，於今日公開的花絮片中，就見到女神以露膊的性感造型示人，再次大晒性感鎖骨，放下長髮更展現高貴的女神氣質。
而現年48歲的韓國「氧氣美女」李英愛，早前就飛去上海出席代言的護膚品牌活動，換上多套靚衫展示高貴一面。而愛姐近日亦開始玩微博，出招冧大陸粉絲。連日來李英愛都勤力更新微博，更罕有地晒自拍照，留言：「微博首次自拍照。」之後亦有公開粉絲送的鮮花照。
全智賢密密拍廣告。
努力搵真銀。
晒靚膊。
兩子之母一樣弗。
展現高貴的女神氣質。
愛姐罕有晒自拍冧大陸粉絲。
又公開粉絲送的鮮花。