噚日講到大台嘅資深幕後，做咗28年嘅一鳥「被辭職」，有傳喺聲言「每年要Cut5%人」嘅余詠珊下嘅命令，一鳥喺微博寫道:「今天我終於離開自己工作差不多28年公司TVB了，以後我就不是公司員工，這些年來他給我有很多回憶耶，雖然有點不捨得，但是我一鳥定會像火鳳凰一樣，火裏重生的。」令好多藝員錯愕，皆因一鳥做咗28年，同好多藝員都好熟，而且工作表現一向都好，噚日前大台監製鍾澍佳就喺fb力撐一鳥，仲寸埋大台，佢話:

「以前離開TVB時説過，TVB裏有三類人：三分之一員工是有理想，有毅力，有才華和潛力而努力工作的！另外三分之一是不工作，不動腦，每天過著返工諗去那吃午飯，未到四點來個tea，四點九去廁所洗手準備放工的頤養天年份子！而最後三份之一的是每天上班都搞盡腦汁來阻x住人做野的真廢人！而一鳥是絕對的第一類的好員工，當年在大台陪伴著我成長的好朋友。阿雀加油！」

照鍾澍佳咁講，大台已經得三分一人真係做嘢，一鳥係其中一份子，但大台又選擇唔要佢...咁...運作呢間公司嘅係咩人呢?