【觀塘新盤】陳煒睇中凱滙880呎3房戶 準備入票
蘋果日報 2018/12/15 16:18
陳煒凱滙
信置（083）觀塘凱滙銷情熾熱，就連準影后陳煒都來到尖沙嘴中心示範單位睇樓，計劃入飛。陳煒對記者表示：「頭先睇左880呎個單位，真係好中意，對我黎講係則王，各樣野，尤其是廚房、用料等，（個單位）唔洗2,000萬元，覺得價錢好ok，我睇呢兩日真係要攝高枕頭諗清楚，度一度。」
問到樓盤有什麼吸引之處，陳煒指，「一直有關注、有留意，今日先有啲時間去睇，（位置）真係好方便，唔係好鍾意將軍澳的位置，鍾意九龍東，同埋咁多facility，(樓盤)會成為觀塘大型的地標項目，就算係投資，一定好保值，升值潛力好大。」
最後她透露，現時在油塘租住約800呎，月租約3萬元，如果是次成功買到凱滙會打算自住。」
信置營業部聯席董事田兆源表示，今日睇樓情況踴躍，有較多年輕家庭到來參觀，暫收逾2000票。他指，昨晚加推的103伙，較對上一張價單屬原價加推，該批單位定價市值約17億元，折實市值13.6億元。
被問到何時開售凱滙第二期，田氏指，如今先集中完成一期的銷售工作，之後才部署第二期。
記者 葉煜燊
藝人陳煒表示有興趣入票凱滙。