今年5月《變形金剛》在官方網站中，公佈母公司孩之寶集團CEO Brian Goldner與中央電視台合作，推出變形金剛與哪吒Crossover動畫。

事隔半年，萬眾期待嘅《哪吒：變形金剛》預告片今日終於有得睇，雖然只有短短分半鐘，但大陸網民就似乎頂唔順呢個「當哪吒遇上變形金剛」嘅劇情，一致劣評。

據資料顯示，今次呢套《哪吒：變形金剛》係講述「正義勇敢的哪吒和小伙伴與變形金剛攜手，共同戰勝邪惡，並得到變形金剛欽佩」嘅故事。預告片最初先有哪吒攞住個金剛圈、踩住風火輪狂擺pose，之後鏡頭一轉，就去到變形金剛與反派對戰，同時被譽為「正義勇敢」化身嘅哪吒，就以「美少女戰士」經典變身畫面出場，心口突然出現蓮花的哪吒，猶如「變身鏡盒」，全身變出紅金色盔甲，然後再一次狂擺pose。「變形人吒」套盔甲靚唔靚真係見仁見智，不過用色就好有中國特色，又紅又金又黃咁喇！但唔明嘅係，哪吒點解着盔甲，依然係堅持露出5隻腳趾，睇嚟就算變身，哪吒都堅持赤腳。

除了有「人吒」變身片段，當然亦會有佢、柯柏文及大黃蜂等合作場面，又同麥加登激烈打鬥場面，配合《變形金剛》劇情。將中國神話人物跟唔同風格嘅機械人結合變成動畫，就惹嚟大陸網民一致劣評，紛紛留言「廣電總局這時候怎麼不說破壞歷史文化毒害未成年歷史觀」、「90後的童年快被毀」、「頭號毀童年系列，一毀毀兩個IP，哪吒頭金剛身，非常具有喜感」、「求求他們不要浪費電影資源好嗎」等，另有哪吒fans表示兩者合作覺得莫名其妙：「我吒吒都三頭六臂了，還需要這沙X裝備」、「我覺得這是一種侮辱，把神話人物變成這樣」。
-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇