代表漁農界的立法會議員黃容根，直斥當局的抽檢不足，監管不力，對市民缺乏保障。他說，他亦收到十多宗有關冰鮮雞無紅印的投訴；他直斥現時食環署的抽檢制度「兒戲」，內地七個向香港供應冰鮮雞的雞場中，每日只抽檢其中一個，制度形同虛設。「一日幾千隻雞，佢哋咁樣抽檢有乜用？而且收到投訴後，都係通知內地就算，根本就係監管不力。」
議員轟漏工序
他稱，冰鮮雞上水溶性食物色素的紅印會隨着時間滲透到雞肉中的說法，並不正確。他指有關物料應不會脫色；若蓋印後滲透至雞肉，應仍會隱約出現紅印，故相信市民買入沒有紅印的冰鮮雞，應是遺漏工序所致。
黃容根又反駁食環署所說，紅印蓋於雞翼底部，乃出自業界人士主意：「我哋冇咁建議過，我哋係話蓋喺雞背之類易見嘅地方，佢哋所謂業界咪又係嗰幾個入口商，而且嗰雷射標籤濕水後又容易甩出嚟，總之就多多問題啦。」
家庭主婦胡女士投訴稱，她日前在牛頭角樂華北邨商場百佳超級市場，以二十六元九角購買一隻冰鮮雞，但她回家開封後，發現雞翼底並無紅印，亦無任何蓋印後脫色的迹象，令她擔心所購雞隻並非冰鮮。
「我哋小市民就係依賴標貼（雷射標籤）同紅印來辨別，𠵱家隻雞都冇紅印，咁即係點？」
胡女士稱，她事後即時向超市投訴，但職員聽罷後並無任何解釋，只敷衍地着她取回雞隻更換。「雖然我開封咗佢哋都肯換隻雞畀我，但問題唔係我有冇損失二十幾蚊，而係我已經唔係第一個遇到呢個問題，咁即係反映冇印唔係個別事件啦！」