【本報訊】繼香港大學及理工大學後，浸會大學亦公投退出學聯。浸大學生會編輯委員會昨晚公佈以934票贊成對613票反對，通過學生會退出學聯。學聯秘書長羅冠聰表示尊重公投結果，又指學聯正檢視在院校間的代表性，會調整策略和改革；有前學聯成員則指，學聯的號召力削弱，對社運界抗衡政府「袋住先」宣傳攻勢有影響。
記者：張嘉雯

浸大編委會指，初步點票顯示，公投總投票人數為1,678，當中934票贊成、613票反對、108票棄權，通過退出學聯，廢票有23票。24小時投訴期過後，將正式公佈結果，成為繼港大、理大後第三間退出學聯的大專院校。城大則將於月尾舉行公投。
羅冠聰昨到浸大視察，對再有院校通過退聯公投感可惜，但表示會尊重民主議決。羅指院校退出會嚴重影響學聯的力量，影響學聯在社會上的參與，學聯將積極改革，包括削弱秘書處權力。民主黨創黨主席李柱銘指，再有院校退出，對學聯的社會參與「唔多唔少有影響」，「冇法㗎，佢哋搞呢啲，未必係共產黨嘅人，但呢個係共產黨鍾意嘅結果，佢哋自己（大學生）會諗之後可以點做」。

「趁機重整未必是災難」

曾任學聯秘書長的陳樹暉指，在政府排山倒海的「袋住先」宣傳下，民間團體已着力開展游說，學聯最近忙於處理內部問題，已被迫缺席，「社會參與一定係弱咗，冇咁大能量，嚟緊學界合作要再考慮，其實佢哋都做咗相應嘅嘢（改革），好似減咗秘書處票咁，但同學覺得太遲，未必好接受」。他指不排除各院校明年重返學聯，學聯可趁機重整，不一定是災難。
另一前秘書長陶君行形容今次退聯是「共產黨秋後算賬成功」，指現屆成員「過份老定」，「當你𠵱家（大學）入面有3、4成保守派，1成內地學生，加埋本土派，形勢本身就不利，學聯喺嶺南後冇再動員，係問題嚟」。