大陸以「爸爸」為主嘅節目越嚟越多，仲好鍾意請啲香港嘅藝人上節目，等大家可以睇到佢哋嘅小朋友，而嚟緊9月6號又有一個新嘅節目喇，就係《想想辨法吧！爸爸》，今次嘅香港藝人就係黃貫中一家喇。

噚晚黃貫中就喺微博po咗條預告，當中有佢同囡囡黃鶯嘅生活， 當然就唔少得老婆朱茵啦！ 黃鶯好少喺幕前出現，所以今次都真係機會難得。條預告一開始就係朱茵問黃鶯啲生果係咩色，而問到菠蘿係咩色嗰時，朱茵就話：「菠蘿呢？呢個係鳯梨。」之後黃鶯就話係黃色，但黃貫中就喺側邊搞爛gag話係黑色，因為用普通話講黑鳯梨的話，個音係似「喜歡你」。

之後朱茵就講到黃貫中唔識教女，對個女完全冇辨法，黃貫中仲話分享佢點樣哄黃鶯瞓覺：「跟她講故事的時候，講到興奮的時候，讓她運動多一點，午睡不要睡太久，給她一個電話打遊戲，打到她眼睛累。」冇錯，黃貫中真係咁講，所以最後朱茵都話想佢哋兩個學識點樣相處。

精選娛聞，喺晒《娛果》
http://fb.com/appledailyent